សមត្ថកិច្ចខណ្ឌឫស្សីកែវឃាត់ខ្លួនជនសង្ស័យ២នាក់ ករណីប្រើដំបងឈើជ្រុងវាយយុវជនម្នាក់ ចំក្បាលលើចិញ្ចើមស្តាំដេរចំនួន៦ថ្នេរ

ភ្នំពេញៈ  ជនសង្ស័យ២នាក់ត្រូវសមត្ថកិច្ចនគរបាលខណ្ឌឫស្សីកែវឃាត់ខ្លួនបន្ទាប់ពីប្រើហិង្សាដោយចេតនាយកដំបងឈើជ្រុងវាយយុវជនម្នាក់រងរបួសធ្ងន់បែកក្បាលលើចិញ្ចើមស្តាំដេរចំនួន៦ថ្នេរនៅថ្ងៃទី០១ ខែធ្នូ ឆ្នាំ២០២៣ វេលាម៉ោង១៩និង២៥នាទី នៅចំណុចផ្ទះគ្មានលេខ ផ្លូវមាត់ទន្លេ ក្រុមទី៣ ភូមិក្រោលគោ សង្កាត់គីឡូម៉ែត្រលេខ៦ ខណ្ឌឫស្សីកែវ រាជធានីភ្នំពេញ។

ជនរងគ្រោះឈ្មោះរ័ត្ន រស់បាទ ហៅប៉ែន ភេទប្រុស អាយុប្រហែល២២ឆ្នាំ មុខរបរកម្មករ ស្នាក់នៅផ្ទះជួលក្នុងភូមិក្រោលគោ សង្កាត់គីឡូម៉ែត្រលេខ៦ ខណ្ឌឫស្សីកែវ រងរបួសធ្ងន់បែកក្បាលលើចិញ្ចើមស្តាំដេរចំនួន៦ថ្នេរ ស្នាមជាំកែងដៃសងខាង ពេលនេះកំពុងសម្រាកព្យាបាលនៅមន្ទីរពេទ្យកាល់ម៉ែត៕