សមត្ថកិច្ចខណ្ឌឫស្សីកែវ ឃាត់ខ្លួនជនសង្ស័យម្នាក់ រក្សាទុកនូវសារធាតុញៀនដោយខុសច្បាប់

ភ្នំពេញ ៖ ជនសង្ស័យម្នាក់ ត្រូវបានសមត្ថកិច្ច ខណ្ឌឫស្សីកែវ បង្ក្រាបជាក់ស្តែងករណី រក្សាទុកនូវសារធាតុញៀនដោយខុសច្បាប់ កាលពីម៉ោងជាង២ទៀបភ្លឺ ឈានចូលថ្ងៃទី២០ ខែវិចិ្ឆកា ឆ្នាំ២០២៣នៅចំណុចផ្លូវបេតុង ក្រុមទី10 ភូមិសាមគ្គី សង្កាត់ឬស្សីកែវ។ លោក ហ៊ាង ថារ៉េត អធិការខណ្ឌឫស្សីកែវ បានអោយដឹងថា ជនសង្ស័យ ឈ្មោះ រស់ ចយ អាយុ28ឆ្នាំទីលំនៅនិងមុខរបរមិនពិតប្រាកដ ត្រួតពិនិត្យក្នុងខ្លួនរកឃើញម្សៅក្រមពណ៌សថ្លាចំនួន មួយកញ្ចប់តូចនិងថងទទេចំនួន0៣។

ចំពោះមុខផ្នែកជំនាញខណ្ឌប៉ុស្តិ៍កំពង់សាកសួរយកចំលើយកសាងសំណុំរឿងបញ្ជូនទៅសាលាដំបូងរាជធានីភ្នំពេញដើម្បីអនុវត្តន៍ទៅតាមនីតិវិធី៕